DER JESUS VON MEIDLING

Eine Kurzgeschichte in mehreren Bildern von Bogumil Balkansky

Erstes Bild – Flucht in die Wüste

Eine kleine Altbauwohnung irgendwo in Meidling. Josef kommt von der Hack´n und ist total Schmähstaad. Maria hat grad die Schnitzl´n fertig und tischt auf.

Maria:
Seppl, ich hab gute Neuigkeiten!

Josef:    
Ii, aa. Bin Arbeitslos! Ab heute! Möbelfabrik hat dichtgemacht! Wirtschaftskrise! Eh kloa!

Maria:
Heast Sepp, du redst wia ein Telegramm!

Josef:    
Damit i ned plärr, muaß i de Gosch´n zampressn! Vastehst?

Maria:    
Gut! Dann horch: bin schwanger, es war der Herr, der über uns...

Josef:    
Woos? Da Kriwanek! Du host mit´m Kriwanek... unsa Kind wird ein Kriiiiwaaaakeeeek!!!!!!????

Maria:
Naaa! Bist oag? Loß mi ausredn! Der Herr, der über uns wacht!

Josef:
A Kieberer? Wöcha? Aus wöchem Wochzimma! Sprich Weib!

Maria:
Sepp, heit stehst echt auf der Leitung! Der Vater unseres Sohnes ist der Herrscher der himmlischen Scharen, Erschaffer der Welt, der Einzige – es ist Gott der Herr persönlich!

Josef:
Ui! Und... wos miassma für so viel Ehre jetztn mochn? Miassma wos zoihn? Oda wos?

Maria:
Abah! Mir kriag´n aa no wos!

Josef:
...?...

Maria:
Wir sind jetzt die Heilige Familie!

Josef:       
No jo... irgendwie san mia, wia man so sogt, a Patchworkfamilie.

Maria:               
Technisch, jo! Aber des ist blunzn, wö mia san trotzdem heilg.

Josef:        
Wenn das die Fekter wüsst...

Maria:               
De Fekter Mitzi is aa wuascht! Wir sind im Auftrag des Herrn unterwegs!

Josef:        
Wo miassma hin? I wollt grad mei Schnitzl ess´n!

Maria:             
Des kannst eh! Aber nachher pock´ma z´am und suchen den Stall!

Josef:        
Stall?

Maria:                
Jo. Die Gschich´t is so: Ich bin hochschwanger, unser Vermieter haut uns ausse, mir irren durch die Wüste und finden dort Aufnahme im Stall eines guten Menschen.

Josef:     
Wüste? I mog ned nach Simmering!!!!

Maria:               
Des is nur für die Geburt. Da kommen dann drei Könige und mir kria´n Gold und irgendwas, was ich vergessn hob...

Josef:        
Gold?

Maria:               
Jo! Und unser Sohn wird die Rechte Hand vom Chef! Und erlöst uns total!

Josef:        
Vom Kriwanek?

Maria:               
Des aa!

Josef:        
Pack z´am Weib! I hol das Moped!

FORTSETZUNG FOLGT…